ახალგაზრდული ცენტრის წევრებმა ოზურგეთის მუნიციპალიტეტის სკოლამდელი აღზრდის დაწესებულების აღსაზრდელებს ზღაპრები წაუკითხეს
2021 წლის 24 იანვარს, განათლების საერთაშორისო დღესთან დაკავშირებით "ახალგაზრდა პედაგოგთა კავშირის" ახალგაზრდული ცენტრის წევრებმა ოზურგეთის მუნიციპალიტეტის სკოლამდელი აღზრდის დაწესებულების აღსაზრდელებს ზღაპრები წაუკითხეს.
შეხვედრის მიზანი იყო სხვადასხვა ამბავსა და ყოველდღიურ ცხოვრებაში სტერეოტიპული გენდერული ფუნქციების და დამახასიათებელი თვისებების ამოცნობა. ტრადიციული და არატრადიციული გენდერული ფუნქციების განხილვა. გენდერული თანასწორობის ხელშეწყობა.
ცენტრის წევრებმა აღსაზრდელებს ზღაპრების ახლებური ვერსიები შესთავაზეს, განიხილეს გენდერული როლები, მათთვის გასაგები ტერმინებით ისაუბრეს თანასწორობის იდეაზე და გარემოში არსებულ მოლოდინებზე.
შეხვედრას ესწრებოდნენ, როგორც საბავშვო ბაღების აღსაზრდელები, ასევე მენეჯერები და მშობლები.