სიახლეები

8 ივლისს, ოზურგეთში „ახალგაზრდა პედაგოგთა კავშირის“ ორგანიზებით ჩატარდა კვლევის - ,,ოზურგეთის მუნიციპალიტეტის სოფლებში მცხოვრები სოციალურად დაუცველი ბავშვიანი ოჯახების საჭიროებების და მათი დისფუნქციურობის განმაპირობებელი ფაქტორების“ საბოლოო ანგარიშის პრეზენტაცია.

პრეზენტაციას ესწრებოდნენ ადგილობრივი თვითმმართველობის, საქართველოს სახალხო დამცველისა და პარტნიორი სკოლების წარმომადგენლები. პრეზენტაციის შემდეგ გაიმართა დისკუსია - მონაწილეებმა დასვეს მათთვის საინტერესო საკითხებზე კითხვები.

შეხვედრაზე დამსწრე აუდიტორია შეთანხმდა, რომ კვლევის რეკომენდაციების შემუშავების მიზნით შეიქმნება სამუშაო ჯგუფი, რომელიც ასევე ჩაერთვება შემუშავებული რეკომენდაციების ადვოკატირების პროცესებში.

კვლევის ანგარიში გამოქვეყნებულია ორგანიზაციის ვებ-გვერდზე.

კვლევა განხორციელდა „ახალგაზრდა პედაგოგთა კავშირის“ მიერ პროექტის „უკეთესი მომავლისთვის“ ფარგლებში ორგანიზაცია Brot für die Welt-ის ფინანსური მხარდაჭერით.