პარტნიორ საჯარო სკოლებში მენტორებთან შეხვედრები გაიმართა
ახალგაზრდა პედაგოგთა კავშირის სკოლის მხარდამჭერთა პროგრამის ფარგლებში, ორგანიზაციის პარტნიორ საჯარო სკოლებში მენტორებთან შეხვედრები გაიმართა.
სკოლის მხარდამჭერთა ქსელის წევრებმა მაკო ჯაოშვილმა (სოციალური მეცნიერებების დოქტორი, განათლების ექსპერტი), ხათუნა გოგელიამ (გეშტალტთერაპევტი, ნეირობიოლოგი, ბიოლოგიის დოქტორი) და გოგა ჩანადირმა (ფოტოჟურნალისტი, სამოქალაქო აქტივისტი) შეხვედრაზე განიხილეს შემდეგი თემები:
მოზარდების მონაწილეობისა და ჩართულობის მნიშვნელობა გარემოში არსებული გამოწვევების დროს, სამოქალაქო აქტივიზმის როლი აღნიშნულ პროცესში;თვითშეფასება, თვითდაკვირვება;პროფესიის არჩევისა და კარიერული დაგეგმვის დროს არსებული ბარიერები.
პროგრამა ხორციელდება 2021 წლიდან და მისი მიზანია მოზარდების ჩართულობის გაზრდა სკოლის და თემის გარემოს გაუმჯობესების პროცესში.მენტორები მოზარებთან ერთად აქტიურად მუშაობენ პრობლემების იდენტიფიცირებაზე და შემდგომ მათი გადაჭრის გზების ძიებაზე.
შეხვედრები განხორციელდა ევროკავშირისა (EU) და „პური მსოფლიოსთვის“ (Brot) ფინანსური მხარდაჭერით პროექტების „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“ („Skill Building and Innovative Job Opportunities for Regional Development of Georgia“) და „უკეთესი მომავლისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი (CSRDG), ახალგაზრდა პედაგოგთა კავშირსა (YPU) და საქართველოს სამოქალაქო განვითარების ასოციაცია-საგასთან (GCDA) ერთად.